Баланың балабақшаға бейімдеу жолында қысқаша ақыл-кеңес

-Балаңызбен балабақшада  да,үй де байыпты әрі сенімді  сөйлесіңіз .

-Баланы балабақшаға  таңертең кім тыныштандырып қалдыра алатын болса, сол ата-ана немесе туысы әкелген жөн. Бала да тез көніп, балабақшада сенімді түрде қалатын болады ;

-Балаңызға балабақшадан оны алып кететініңізді және қашан әкететініңізді анықтап айтқаныңыз дұрыс;

-Баланы балабақшаға алып келгеннен кейін, онымен кешке дейін қоштасуда белгілі бір әдіс ойластырғаныңыз жөн, балаңыз да өзіңіз де сенімді боласыз;

-Балабақшаны немесе тәрбиеші апайды айтып баланы қорқытпағаныңыз абзал. Мысалы : «Егер бұзық болсаң немесе мені тыңдамасаң ,балабақшаға апарып тастаймын, өзің жалғыз балабақшада қаласың немесе тәрбиеші апайыңа  айтамын»;

-Баланың  балабақшаға  немесе тәрбиеші  апайға  деген сенімін жоғалтып, қорқынышты  мысал  ретінде  көрсетпей, жоғарыда  айтылған  сөздермен қорқытпаңыз;

-Балабақша  немесе онда  қызмет ететін тәрбиеші педагогтар жайлы теріс пікір айтпағаныңыз дұрыс;

-Балаңызды  жақсы көріп, еркелеткеніңіз  дұрыс, дегенмен сізді, айналадағы  адамдарды  сыйлап, өрескел қылық жасамауын қадағалағаныңыз дұрыс. Себебі, еркелік деп жүргеніңіз оның әдетіне, кейін мінезіне айналары сөзсіз;

-Баланы алдамай, өз сөзіңізде тұрғаныңыз жөн;

-Балаңыз үшін уайымдап, алаңдамаңыз, балаңызды қолдап, жылы сөздеріңізді,сүйіспеншілігіңізді аямаңыз.