«Заманауи ойын технологиялары – мектеп жасына дейінгі балаларды дамытудың тиімді құралы ретінде» қалалық семинар

№2 «Балдырған» балабақшасында өткен қалалық семинар.  Семинарға қатысушыларды ең алдымен №2 «Балдырған» балабақшасының меңгерушісі Г.К.Идрисова  құттықтап,  сөз  сөйледі.

«Ойын – бұл бізді қоршаған әлем туралы идеялар мен түсініктердің өмірлік ағыны баланың рухани әлеміне түсетін үлкен жарқын терезе», - дейді атақты педагог В. Сухомлинский.
Қазіргі педагогтардың  педагогикалық құзыреттілігінің көрсеткіші ретінде жаңа білімді меңгеруге, заманауи ойын технологияларын қолданудың қажеттілігі мен мүмкіндігін түсінуге бағытталған педагогтар арасында мотивацияны қалыптастыру мақсатында №2 «Балдырған» балабақшасында  «Қазіргі заманғы ойын технологиялары – мектеп жасына дейінгі балаларды дамытудың тиімді құралы ретінде» тақырыбында мектепке дейінгі ұйымдардың  педагогикалық  қалалық семинары өтті. 

Семинар барысында балалардың ұйымдастырылған іс-әрекетінде де, өз бетінше әрекетінде де қолдануға болатын шығармашылық, дамытушылық, коммуникативті, зерттеушілік, танымдық, білім беру ойын технологияларының элементтері көрсетілді.
Семинарға: қалалық білім бөлімінің әдіскері Ж.А.Абуова, «Балауса» бөбекжайының меңгерушісі Қалайдарова Б.Б., №3 «Алпамыс» балабақшасының меңгерушісі Бештаева К.Н., және  әдіскері К.Н. Кузьменко Т.Ю. және де  қаладағы мектепке дейінгі ұйымдардың жас педагогтары, сонымен қатар №6 мектеп-гимназиясының, №5 көпсалалы мектеп-лицейінің жас педагогтары  қатысты.